Upplýsingablað fyrir aðgerðir

Leiðbeiningar til sjúklinga og foreldra barna sem fara í skurðaðgerð í svæfingu og eða slævingu

Undirbúningur

• Eftirfarandi upplýsingar eru til þess að tryggja öryggi þitt eða barns þíns sem best og upplýsa um það hvers má vænta í tengslum við aðgerðina og svæfinguna.
• Sjáðu til þess að einhver geti sótt þig og verið hjá þér fyrst eftir aðgerð.
• Ef langt er heim, er gott að hafa aðstöðu til að vera á Akureyri eða nágrenni fyrstu nóttina.
• Þú mátt ekki keyra bíl daginn sem þú ert í aðgerð, hvort heldur sem þú færð svæfingu eða sljógvandi lyf.

Fasta og lyf sem tekin eru reglulega

• Ekkert má borða í 6 klukkustundir fyrir aðgerð (oftast er best að borða ekkert eftir miðnætti kvöldið fyrir aðgerð).
• Drekka á tæra, agnalausa og fitulausa vökva þar til 2 klukkustundum fyrir aðgerð (svo sem vatn, eplasafa, hreint te, svart kaffi, Aqvarius, Powerade, Gatorade eða sambærilega drykki.) Ekki má drekka neina mjólkurdrykki, þetta á einnig við um brjóstamjólk.
• Venja er að taka öll lyf samkvæmt venju, sérstaklega astmalyf og blóðþrýstingslyf. Oft þarf að hætta að taka blóðþynnandi lyf fyrir aðgerð, en þó aðeins í samráði við lækni. 
• Ef tekin eru einhver lyf að morgni má taka þau með vatnsopa allt að klukkustund fyrir mætingu.
• Ekki nota tyggjó eða tóbak í 2 tíma fyrir aðgerð. 
• Fjarlægðu skartgripi, (sérstaklega tungulokka) fyrir komu.

Verkjalyf

• EMLA plástur má nota til að deyfa fyrir æðaleggsuppsetningu. Fæst án lyfseðils í apótekum. Plástrana þarf að setja á 2 til 3 æðabera staði (handabök og olnbogabót) 60-90 mínútum fyrir komu. Gott að nota ef börn kjósa að sleppa við að sofna á maska.
• Paracetamól (töflur eða stíla, en EKKI mixtúru) einni klukkustund fyrir aðgerð samkvæmt eftirfarandi töflu: 

Athugið að þessir stóru skammtar gilda aðeins fyrir aðgerðir

Hvað gerist á aðgerðardaginn?

• Á Læknastofum Akureyrar gefur þú þig fram við móttökuritara. Þar færðu eyðublað til að fylla í varðandi heilsufar, ef það hefur ekki verið gert áður.
• Svæfingalæknir/hjúkrunarfræðingur, fer yfir heilsufar, föstu og gefur upplýsingar um svæfinguna. 
• Settur er æðaleggur í æð og oftast er svæft með lyfjum í æð. Börn eru oftast svæfð með grímu sem sett er yfir vit barnsins. Þau sofna á innan við mínútu. Foreldrar eru hjá börnum þar til þau sofna. 
• Eftir aðgerðina er fylgst með þér þangað til viðkomandi er tilbúin(n) að fara heim, oftast eftir ½-2 klukkustundir. Ógleði og verkir geta komið eftir allar aðgerðir, en reynt er að fyrirbyggja það og meðhöndla fljótt. Foreldrar eru með börnum sínum á vöknun. Heimsóknir eru almennt ekki leyfðar á vöknun og notkun farsíma er takmörkuð.
• Skurðlæknir ræðir við þig áður en þú ferð heim og gefur þér ráðleggingar varðandi eftirmeðferð.

Ef vandamál koma upp

• Símanúmer á Læknastofum Akureyrar: 462 2000
• Neyðarsími fyrsta sólarhringinn eftir aðgerð: 842 5333
• Ef vandamál koma upp síðar og þú nærð ekki í þinn lækni er hægt að leita til heimilislæknis, vaktlæknis eða á bráðamóttökur sjúkrahúsa.
• Frekari upplýsingar má finna á heimasíðu Læknastofu Akureyrar www.lak.is