Rannsóknin er nærri alltaf gerð í staðdeyfingu þar sem deyfikremi er sprautað inn í þvagrásina. Þú getur orðið var við að svolítið af þessu kremi leki út um þvagrásraopið fyrst á eftir, en það er alveg hættulaust. Flestir sjúklingar geta ekið bifreið strax í kjölfar rannsóknar ef líðan er almennt góð að öðru leiti.
Speglunin er oftast óþægindalítil og afar sjaldan verða fylgikvillar í kjölfarið. Sumir finna fyrir mismiklum sviða eða ónotum í þvagrás við þvaglát sama dag eða næsta sólarhringinn. Ekki er óeðlilegt að eitthvað blóð geti komið með þvaginu, sérstaklega ef sýni var tekið. Tíðari eða bráðari þvaglát geta einnig komið fyrir í skamman tíma. Slíkt hverfur nærri alltaf sjálfkrafa. Yfirleitt eru verkir hverfandi eða óverulegir, en annars nægja venjuleg verkjalyf oftast nær.
Ef eitthvað kemur upp á fyrsta sólarhringinn eftir aðgerð er neyðarsími Læknastofu Akureyrar 8425333.
Valur Þór Marteinsson: 820 0541