Þú gefur þig fram við móttökuritara við komu. Þar færð þú blað til að fylla í varðandi heilsufar, ef það hefur ekki þegar verið gert.
Inn í búningsherbergi færð þú slopp til að klæðast.
Verðmæti getur þú geymt í læstum skáp.
Skurðlæknir merkir aðgerðasvæðið þegar við á.
Svæfingalæknir fer yfir heilsufar og föstu.
Inni á skurðstofu er settur æðaleggur og í hann er gefin forlyf og síðan svæfingalyf eftir að lífsmarkamælir hefur verið tengdur.
Eftir að þú hefur sofnað er svæfingu viðhaldið með innöndunarlyfi sem þú andar að þér alla svæfinguna eða með lyfja-dreypi í æð. Hvort heldur sem gert er færð þú viðbótar súrefni alla svæfinguna.
Þegar aðgerð er lokið ert þú fluttur inn á vöknun (oftast sofandi) þar sem þú vaknar í rólegheitunum í umsjón hjúkrunarfræðings. Viðbótar súrefni er gefið þar til þú ert vel vaknaður.
Á vöknun færð þú að drekka og borða áður en þú klæðir þig.
Heimferð er þegar þú treystir þér til, skurðlæknir hefur rætt við þig og einhver kominn að sækja þig.
Þeir sem eru mjög hræddir við nálar hafa stundum sofnað á grímu eins og lýst er í barnakaflanum.
Börn
Foreldrar eru með þegar börn þeirra sofna og þegar þau vakna.
Börnin koma í eigin fötum inn á skurðstofu í fylgd foreldra.
Oftast er ekki gefin nein forlyfjagjöf, enda í raun ekkert framundan sem er að hræðast.
Engin sársauki fylgir því að sofna með grímu eins og flest börn kjósa að gera. Þau fá grímu með lykt sem minnir á sjáfarilm niðri í fjöru, en stundum er jafnvel hægt að bjóða upp á "íslykt, hestalykt eða súpermannlykt".
Börnin þurfa að anda u.þ.b. 5 sinnum í grímuna til að ná lyktinni til sín og svo til strax eftir það sofna þau. (Tekur minna en 30 sekúndur). Börn sem ekki kjósa að sofna á grímu geta fengið æðalegg eins og lýst er í fullorðinskaflanum. Hægt er að fá deyfikrem í apótekum (EMLA) til að setja yfir stungustað (2 staði) að minnsta kosti klukkustund fyrir uppsetningu æðaleggs.
Eftir að börn eru sofnuð halda þau áfram að anda að sér svæfingalyfinu þar til aðgerð lýkur.
Oft er settur æðaleggur meðan börnin sofa, sem notaður er til að gefa verkjalyf, ógleðislyf og/eða vökva. Þau eru síðan flutt á vöknun þar sem þau vakna í rólegheitum hjá foreldrum og hjúkrunarfræðingi.
Þar fá þau að drekka og frostpinna ef þau vilja áður en farið er heim.
Hvernig fer slæving fram?
Þú gefur þig fram við móttökuritara við komu. Þar færð þú blað til að fylla í varðandi heilsufar, ef það hefur ekki þegar verið gert.
Inn í búningsherbergi færð þú slopp til að klæðast.
Verðmæti getur þú geymt í læstum skáp.
Skurðlæknir merkir aðgerðasvæðið þegar við á.
Svæfingalæknir fer yfir heilsufar og föstu.
Inni á skurðstofu er settur æðaleggur og í hann er gefin verkjalyf og slævandi lyf eftir að lífsmarkamælir hefur verið tengdur.
Vegna áhrifa þessara lyfja finnur þú minna en ella fyrir staðdeyfingu sem skurðlæknirinn leggur.
Eftir deyfinguna á ekki að vera neinn sársauki, en ef það gerist lætur þú strax vita, og er þá alltaf hægt að bæta á deyfingu. Margir lúra svo á meðan aðgerð stendur.
Síðan ert þú fluttur á vöknun þar sem þú dvelur á meðan þú ert að jafna þig. Þar færð þú að drekka og borða eftir því sem þú hefur list á.