Um okkur

Læknastofur Akureyrar er einkarekið fyrirtæki í heilbrigðisþjónustu. 

Þetta er fyrirtæki sérfræðilækna, sem hafa að markmiði að vera leiðandi

 innan læknisfræðilegrarog annarrar heilsutengdrar þjónustu og

veita öllum gæðaþjónustu er þangað leita.

• Starfsemin samanstendur af hefðbundnum læknastofum með sérfræðimóttöku og skurðstofum, þar sem ferliverkaaðgerðir eru framkvæmdar. Einnig hafa ýmsir aðrir sérfræðingar aðstöðu hjá læknastofunum.

• Læknastofur Akureyrar sinna sjúklingum á öllum aldri og hvaðan sem er af landinu.

• Rafrænt sjúkraskrárkerfi er notað af flestum læknunum sem þar starfa en það tekur yfir sjúkraskrár, bókanir, reikningagerð og annað er tengist meðferð og skoðun sjúklinga sem og eftirliti þeirra. Á sjálfum læknastofunum er unnið gegnum lokað netkerfi. Hver notandi er með sitt eigið notandanafn og lykilorð. 

• Fræðsludagur starfsfólks er haldinn árlega. Einnig er þjálfun og æfing viðbragða í bráðatilfellum yfirfarin árlega. Hið sama gildir um brunavarnir og viðbrögð við bruna.

• Læknastofur Akureyrar styðja við listastarfsemi á Akureyri með rekstri gallerýs, Gallerý LAK  þar sem ýmsir listamenn hafa sýnt verk sín.

Framkvæmdastjóri fyrirtækisins er Ingibjörg Ólöf Isaksen

Sagan og upphafið

• Læknastofur Akureyrar voru stofnaðar af þeim Guðna Arinbjarnar og Vali Þór Marteinssyni árið 2003 þegar þeir opnuðu saman læknastofum á 2. hæð í húsnæði Greifans á Glerárgötu.  

• Síðan í lok árs 2005 bættust þeir Edward Kiernan, Friðrik Páll Jónsson og Erlingur Hugi Kristvinsson í hópinn og var þá ákveðið að festa kaup á húsnæði fyrir Læknastofurnar í Hofsbót 4 og voru þessir 5 sérfræðilæknar þar með stofur til ársins 2008.  

• Í byrjun árs 2008 bættust svo þau Ágúst Birgisson og Helga Magnúsdóttir í hópinn en Edward flutti á því tímabili starfsvettvang sinn til Akranes.  Þá fluttu Læknastofur Akureyrar í stærra húsnæði að Hafnarstræti 97 (Krónunni) á 6 hæð.  Í þessu húsnæði var ákveðið að opna fullkomna skurðstofu svo hægt væri að framkvæma ferliverka aðgerðir. Í þessu nýja húsnæði var leitast við að sníða húsnæðið að þörfum sjúklinga, aðstandenda og starfsfólks. Húsnæðið samanstendur af 7 móttökustofum og 2 skurðstofum ásamt vöknunarstofu.

• Árið 2016 bættust Hannes Petersen og Girish Hirlekar í eigendahópinn. Nú var farið að þrengja að aðstöðunni og því var ráðist í það verk að flytja Læknastofur Akureyrar enn á ný.  Samið var við Eik fasteignafélag um að leigja húsnæði á 2. hæð á Glerártorgi. Árið 2016 fór í það að fullklára það húsnæði og setja þar inn glæsilegar móttöku og skurðstofur.  Flutt var inn í þetta nýja húsnæði 31. október 2016.  Aðstaðan er öll hin besta fyrir sjúklinga, aðstandendur og starfsfólk. Þarna eru 11 móttökustofur og 2 fullkomnar skurðstofur. Árið 2017 var fjárfest í tækjum til að framkvæma maga- og ristilspeglanir og fengum við Tryggva Stefánsson lækni til að framkvæma þessar rannsóknir. Í maí 2019, hóf Nick Cariglia sérfræðingur í lyflækningum og meltingasjúkdómum, störf hér hjá okkur, en hann ætlar að leggja aðaláherslu á ristil og magaspeglanir.

• Árið 2017 bættist Björn Gunnarsson við eigendahópinn.

Markmið Læknastofa Akureyrar er:

• Að veita skilvirka, öfluga, faglega og örugga þjónustu með góðu viðmóti gagnvart öllum sem þangað leita.

• Að sjúklingar sem leita til Læknastofa Akureyrar finni fyrir öryggi og góðu viðmóti, og að þeir vilji koma aftur með sín heilbrigðisvandamál.

• Að starfsfólki og þeir sem eru með aðstöðu á Læknastofum Akureyrar líði vel í vinnunni og að allir finni að þeir eru mikilvægur hluti af heildinni.

Tölfræði upplýsingar: