Fasta fyrir svŠfingar og slŠvingar

REGLA UM FÍSTU S÷mu reglur gilda fyrir fullor­na og b÷rn eldri en eins ßrs. Drekka mß tŠra drykki* ■ar til 2 klukkustundum fyrir svŠfingu. Ekki mß

Fasta fyrir svŠfingar og slŠvingar.

REGLA UM FÖSTU

  • Sömu reglur gilda fyrir fullorðna og börn eldri en eins árs.
  • Drekka má tæra drykki* þar til 2 klukkustundum fyrir svæfingu.
  • Ekki má borða fasta fæðu í minnst 6 klukkustundir fyrir svæfingu.
  • Fullorðnir mega drekka 150 millilítra af vatni (hálft glas) með lyfjum einni klukkustund fyrir svæfingu, og börn 75 millilítra.
  • Tóbak og tyggjó á að forðast í tvo tíma fyrir svæfingu.
  • *Tær vökvi er agna- og fitulaus vökvi til dæmis vatn, tær ávaxtasafi, te og kaffi ( mjólkurlaust). Brjóstamjólk og kúamjólk telst til fastrar fæðu.
  • Almennt er miðað við að sjúklingar fasti frá miðnætti en ef aðgerð er skipulögð eftir hádegi getur verið gott að vakna snemma og fá sér morgunmat. Betra er að drekka tært þar til 2 tímum fyrir svæfingu sérstaklega ef aðgerð er þegar líða tekur á daginn. Það kemur í veg fyrir þorsta og gerir sjúkling betur undir búin fyrir svæfingu. Þeir sem eru viðkvæmir fyrir föstu eiga gjarnan að drekka sæta drykki s s ávaxtasafa.


Hvers vegna þarf að fasta fyrir svæfingar og slævingar?

  • Þessi varúðarrástöfun er gerð til að minnka líkur á ásvelgjan (aspiration) það er að magainnihald flæði upp vélindað og niður í lungu. Þetta er ein af alvarlegum fylgikvillum sem geta komið upp í svæfingu, þar sem svæfing truflar eðlilega kyngingu. Magainnihald sem fer ofan í lungu getur valdið alvarlegum skemmdum á lungnavef og starfsemi lungna. Með því að fylgja reglum um föstu er þessi hætta afar lítil.

Helga Magnúsdóttir, svæfingalæknir

Heimild: Scandinavian guidelines for pre-operative fasting in elective patients.

 

SvŠ­i

LŠknastofur Akureyrar á| áGlerßrtorgi - 2. hŠ­ á| áSÝmi 462 2000 á| álak@lak.isá