Sýnataka frá blöðruhálskirtli

Hverju má búast við eftir sýnatökuna

• Flestir sjá blóð í þvagi í fáa daga eftir sýnatökuna, stundum lengur og einnig er venjulegt að sæðið verði brún- eða blóðlitað í allt að 4-6 vikur. Aukin þvaglátsþörf, sviði í þvagrásinni og blóðlitur á salernispappír eða jafnvel utan á hægðum eftir hægðarlosun er ekki óeðlilegt í fáeina daga á eftir. Þessi einkenni hverfa venjulega sjálfkrafa, en ef þú færð hita eða hroll skaltu hafa samband við lækni. 

• Stöku sjúklingar eiga í erfiðleikum með að tæma blöðruna fyrstu dagana á eftir, en ef þvaglátin verða miklum erfiðleikum bundin eða þú færð þvagteppueinkenni (getur ekki pissað eða tæmt blöðruna), þá skaltu hafa samband við lækni.

Hvað skal forðast

• Á meðan blóð kemur í þvaginu, skaltu forðast  erfiði, en rétt er að gera slíkt að jafnaði í 1–2 daga eftir sýnatökuna, en lengur ef þér líður ekki alveg eins og vanalega. Kynlíf má byrja að stunda ef þér líður vel. Litabreyting á sæði er ekki smitandi ástand eða hættulegt eitt sér. Skynsamlegt er þó að bíða með kynlíf ef einhver ónot eða verkir eru til staðar.
• Felstir geta farið til vinnu sama eða næsta dag.
• Þér er óhætt að fara í bað eða í sturtu sama dag og sund næsta dag þar á eftir ef allt er með felldu.

Niðurstöður

• Læknirinn hefur samband við þig að nýju þegar niðurstaða hefur borist úr sýnatökunni (“ræktuninni”), venjulega eftir 1-2 vikur og ræðst það af niðurstöðunni  hvað þarf að gera í framhaldinu. 

Blóðþynnandi lyf

• Ef þú hefur tekið blóðþynnandi lyf fyrir sýnatökuna og þurft að hætta töku þeirra lætur læknirinn þig fá upplýsingar um hvernær þú mátt byrja að taka þau. 

Verkir

• Yfirleitt eru ekki miklir verkir eftir sýnatökuna og nægja venjuleg verkjalyf oftast nær, en annars færðu sterkari verkjalyf hjá lækni.

Athugið:  Ef eitthvað kemur upp á fyrsta sólarhringinn eftir aðgerð er neyðarsími Læknastofu Akureyrar 8425333. 

• Valur Þór Marteinsson:  820 0541