Ëfrjˇsemisa­ger­ karla - "Herraklipping"

Hverjir geta fari­ Ý slÝka a­ger­ Allir sem nß­ hafa 25 ßra aldri og ˙tfyllt hafa og skrifa­ undir umsˇkn um ˇfrjˇsemisa­ger­. Ef vi­komandi hefur ekki

Ëfrjˇsemisa­ger­ karla -

Hverjir geta farið í slíka aðgerð
  • Allir sem náð hafa 25 ára aldri og útfyllt hafa og skrifað undir umsókn um ófrjósemisaðgerð. Ef viðkomandi hefur ekki náð 25 ára aldri gilda sérstök lagaákvæði. Umsóknin fæst hjá heimilislækni eða lækni þeim sem framkvæmir aðgerðina. 
                                           ofrjosemisadgerd_mynd

Hvernig er aðgerðin framkvæmd
  • Sjúklingur liggur á bakinu, ytri kynfæri þvegin með sápu og hárin á pungsvæði eru ekki rökuð. Sjúklingur fær verkja- og slökunarlyf í æð og síðan er deyft með grannri nál umhverfis sæðisleiðarana, sem liggja í efri hluta pungsins. Sæðisleiðararnir eru dregnir fram gegnum 10mm stóran skurð og síðan brennt og bundið fyrir þá. Skurðinum er lokað með þræði sem eyðist af sjálfu sér nema annað sé tekið fram af lækni. Aðgerðin tekur yfirleitt 10-15 mínútur.
Þarf ég að varast eitthvað eftir aðgerð
  • Aktu ekki sjálfur heim ef þú hefur fengið lyf í æð. Taktu því rólega aðgerðardaginn og ekki hjóla eða stunda íþróttir sem geta reynt óeðlilega mikið á punginn fyrstu dagana eftirá. Samfarir eða sjálfsfróun skyldi forðast fyrstu 3-4 dagana í kjölfar aðgerðar, aðallega vegna blæðingarhættu og verkja. Í lagi er að fara í sturtu næsta dag, en ekki sund/baðkar fyrr en skurðirnir eru grónir (lokaðir).
Má búast við einhverjum fylgikvillum í kjölfar aðgerðar
  • Yfirleitt kemur smá mar og blæðing í pung og stundum roði eða erting vegna sauma. Sýking í sári, verkir í pung og nárum, þykkildi eða bólga undir skurðinum vegna örvefsmyndunar á sæðisleiðurum. Fylgikvillar þessir eru allir fátíðir og yfirleitt minniháttar. 
  • Ristruflun eða breytingar á hormónastarfsemi er ekki hægt að rekja til aðgerðarinnar og karlar hafa eftir sem áður sáðlát með sömu tilfinningu og sæðismagni, en þá án sæðisfrumna. Upplifunin við samfarir á að vera óbreytt.
Hvernig er eftirliti háttað
  • Sjúklingi er ráðlagt að hafa samband við skurðlækni (eða heimilislækni) ef einhverjar spurningar vakna í kjölfar aðgerðar eða vandamál koma upp. 
  • Skila skal sæðisprufu í samráði við lækni er framkvæmir aðgerðina eða heimilislækni til þess að kanna hvort aðgerðin hafi verið vel heppnuð. Sæðisprufu þarf að skila innan einnar klukkustundar frá sæðislosun, en sæðið má ekki kólna undir 20°C, þannig að bera skal það innan klæða á leiðinni. Sæðisprufu má skila í þvagprufuglasi sem fæst keypt í lyfjabúð. 
  • Sjúklingar þurfa að hafa haft sáðlát (við sjálfsfróun eða samfarir) að minnsta kosti tíu sinnum áður en sæðisprufan er tekin og það þurfa að líða hið minnsta 6-8 vikur frá aðgerðinni þar til prufu er skilað. Sæðisprufunni er skilað á Rannsóknadeild FSA, en ella í samráði við lækni annars staðar.
Hversu örugg er aðgerðin
  • Sæðisleiðararnir geta tengst eða gróið saman að nýju í um eitt prósent tilvika. Slíkt getur gerst jafnvel mörgum árum eftir aðgerðina og er ekkert sem getur með vissu komið í veg fyrir það. Sæðisprufan er samt sem áður afar mikilvæg sem liður í eftirliti og brýnt að skila.
Get ég eignast börn síðar ef þörf verður á
  • Hægt er tengja sæðisleiðarana saman að nýju með skurðaðgerð og möguleiki er líka við ákveðna tegundtæknifrjóvgunar. Það er þó ekki hægt að tryggja barneignir að nýju með þessum aðferðum. Gæði sæðisins versna yfirleitt eftir því sem fleiri ár líða frá aðgerð og einnig myndast mótefni sem truflað geta árangurinn.  

Athugið:  Ef eitthvað kemur upp á fyrsta sólarhringinn eftir aðgerð er neyðarsími Læknastofu Akureyrar 8425333. 

  • Valur Þór Marteinsson: sími: 820 0541
 

SvŠ­i

LŠknastofur Akureyrar á| áGlerßrtorgi - 2. hŠ­ á| áSÝmi 462 2000 á| álak@lak.isá